Zenâ - Frevâ - Marsö - Arvì - Mazzö - Zûgnö - Lûggiö - Agöstö - Settembre - Ottöbre - Növembre - Dexembre

1 Zenâ 1862: Fortunata Bottaro, scrittrice e poetessa savöneise, a fönda LA DONNA E LA FAMIGLIA. ‘sta rivista a l’ha avûö anche ûnn’ediziön françeise.
1 Zenâ 1874: Insediamentö dö nêuvö scindaco liberäle Beppe Brignoni che ö söstitöisce ö cömmissaio Cav. Uff. Beppe Becchi, indignou e offeiso da-ö cöntegnö offensivo da popolasciön.
1 Zenâ 1982: I döi ciû vegi fainotti de Sann-a, Ritta Notosotiro e Beppe parodi cessan a lörö attivitae.
3 Zenâ 1848: Ö sciorte a Sann-a ö POPOLANO LIGURE ûn battaglierö giörnâle de epici patriottismi
4 Zenâ 1874: Viaggiö de prêuva in sce-a linea ferröviaria Sann-a Acqui Terme.
10 Zenâ 1417: Ö vegne rilasciou da l’imperatö Sigismöndö ûn diploma me-ö quae Sann-a a vegne dichiarâ CAMERA IMEPERIALE
11 Zenâ 1801: Ö mêue ö muxicista Dömenegö Cimarêusa
11 Zenâ 2002: Ö mêue a l’etae de 90 anni Carlo Zanelli. Ö l’è staeto ûn de ciû amae scindaci de Sann-a, e o l’ha governou a çittae da-o 1968 a-o 1982.
15 Zenâ 1891: O mêue anchêu Tognö Brilla de Sann-a, o ciû grande tra i scoltöi da Ligûria.
16 Zenâ 1944: Vegnan fûxilae a Cairo Möntenêutte Luciano Graziano, stûdente, Mario Sambolino, Gustavo Rizzoglio, Andrea Bottero. 20 Zenâ 1989: Ö mêue ö cörridö ciclista savoneise Viçenso Rössellö
22 Zenâ 1545: Ö mêue a Römma ö savöneize Françescö De A Rovere, Arçivescö de Beneventö, neö de ö Pappa Giulio II, ö l’aveiva 70 anni
24 Zenâ 1832: A Sann-a ö nasce anchêu Agostino Ricci, ö satâ cömbattente de a göera d’indipendenza, Generâle, senatö e scrittö de cose militâri
27 Zenâ 1908: Ö mêue a carcare ö patriotta savöneise Anton Giulio Barrili, garibaldin, römanziere, oratö, giörnalista

Frevâ

2 Frevâ1865: G.B. Cerro bracciante de Lavagnêua de 45 anni ditö ö Giabbe ö massa sêu mögge Bönifacinn-a de anni 30
2 Frevâ 1876: Ö sacerdote Antonio Basso ö fönda l’asilö infantile a lavagnêua. L’asilö ancön anchêu existente, ö porta ö sêu nömme
2 Frevâ 1884: Ö nasce a Sann-a Bönfiggiö Löensö, giörnalista, scrittö, pöeta dialettâle. Seu a l’è a poesia “Da-ö barcön da mae stansa”
13 Frevâ 1869: Mêue Pietrö Paleocapa a-ö quae ö se deve a nostra comönicasciön faeroviaia cön ö Piemönte
16 Frevâ 1980: Ö çentrö iniziativa zöeni ö assegna a-o prescidente Sciandrö Pertini ö “Oscar dei giovani”
17 Frevâ 1844: Ö nasce a Cûggiaen Bruno Agostino, direttö da civica bibliöteca, störiografö e fin pöeta dialettâle
21 Frevâ 1513: Ö mêue a Römma a l'etae de 70 anni Pappa Giûliö segöndö, a-ö secölö Giulian della Rovere, da Savönna, dönde ö l'ea naetö dö 1443. Ö l'ea ö neö de un-atrö Pappa, anche le de Sann-a, Françescö della Rovere aö secölö Pappa Scistö Quartö
23 Frevâ 1741: Nasce a Sann-a Giovanni Tommaxo Belloro, störiografö, da Luiggi e Angela Giordano
23 Frevâ 1887: Taeremottö a Sann-a e in tûttö ö pönente. Döe scosse a 6,30 e a 10 öe caösian 9 morti e 12 feriti, 3 di quae morian in seguitö
25 Frevâ 1980: Se cömensa anchêu ö abattimentö de-a vegia staziön ferröviaia de Sann-a, za da tempö in disûsö

Marsö

1 Marsö 1850: Ö primmö depûtou de Sann-a Dott. Françescö Zunini, ö fâ approvâ da-ö parlamentö che l’anniversaiö dö Statûtö a segge festa nazionâle
2 Marsö 1772: Luttô çittadin. Anchêu a Sann-a ö mêue infaeti o sêu grande figgiö benefattö e mecenate marcheise Giöseppe Möntescistö
6 Marsö 1929: Ö tribûnäle de Sann-a ö cöndann-a i antifascisti Pompili Quinto a trei anni e Capra Attilio a ûn annö
10 Marsö 1810: Nasce a Sann-a ö futûrö sacerdote Tomaso Torteroli. Ö saiâ ûn ottimö storicö de Sann-a
10 Marsö 1932: Mêue a Römma a l’etae de 94 anni Paölö Böselli,giurista, oratö, statista, 5 votte ministrö, prescidente dö cönseggiö, membrö aötörevöle da camera e dö senâtö pè 62 anni
12 Marsö 1870: Nasce anchêu ö pöeta dialettale Giöseppe Cava megiö cönosciûö cön ö nömme de Beppin da Câ
18 Marsö 1536: Primma apparisciön da Madonna a Tognö Botta
19 Marsö 1931: Nasce anchêu ö pöeta dialettale e appasciönou de cose de Sann-a Mario Scaglia, megiö cönosciûö cön ö nömme de Claödin Do Giabbe
28 Marsö 193: Ö Mêue Publio Elvio Pertinace, Imperatô de Romm-a nasciuö ö pare a-o Segno di Vada Sabatia

Arvì

1 Arvì 1846: A Sann-a a vegne averta anchêu a çivica Biblioteca intestâ a-ö Anton Giulio Barrili
4 Arvì 1796: Napöleön ö riva a Arbenga, questa a saiâ a sêu primma sede de quartè generâle
5 Arvì 1944: Vegnan fuxilae all'arböi da-i tedeschi in valloia Antonini Paolo Attilio, Baldo Lorenzo, Bovani Nello, Casalini Giuseppe, De Salvo Matteo, Falco Francesco, Gaggero Mario, Galli Angelo, Gatti Edoardo, Rambaldi Giuseppe, Salvo Pietro, Sanvenero Attilio, Tambuscio Aldo.
9 Arvì 1796: Napöleön ö riva a Sann-a e ö mettiâ ö sêu alloggiö ne-ö vescövatö
10 Arvì 1191: I savoneixi acquistan e civiche libertae da-o marcheise Oddone del Carretto.
12 Arvì 1796: Ö avegne anchêu a storica battaggia de Montenêutte
13 Arvì 1798: Ö direttoriö da repûbblica Ligure ö spêuggia e gexe saöneixi de inestimabili tesori
15 Arvì 1834: Giuseppe Mazzini fonda a Giovane Europa.
20 Arvì 1499: A-ö concittadin Giuliano Della Rovere vegne affida l'amministrazion da giexa savoneise.
25 Arvì 1886: Ancheu giorno de Pasqua o conte Ferruccio Macola ö fonda ö giörnale zeneise 'Secolo XIX'.
28 Arvì 1966: A l’etae de 80 anni compii e doppö oltre 50 anni de söccessi ö mêue l’attö zeneise Gilberto Govi
29 Arvì 1264: I Cantè navali savoneisi celebri pe' a loro perizia fabbrican gallee pe-ö re de Castiggia.
30 Arvì 1974: A-e 20:48 in Via Paleocapa, in to cheu da çittae, a-o çivico n. 11, ûnn-a devastante esploxion a segna l’inixio de-o periodo de-e “bombe de Sann-a a”, rivendichae da-i fascisti de “Ordine nero”

Mazzö

1 Mazzö 1894: Gara velocipedistica de-a Fratellanza Ginnastica Savonese e da Veloce Club Savona. Se cöre a clascica da Voè a Finalipia e ritörno, pè 34 Km. Vinse Fortunato Berruto cön ö tempö de öe 1 e 29 menuti
5 Mazzö 1843: O vegne approvâ a cöstitösciön dö Monte de Pietae a Sann-a grazie a-ö Pappa Scistö IV da famiggia savöneise di Della Rovere.
10 Mazzö 1815: Pappa Piö VII, in te 'na sölenne cerimonia, ö incörönn-a a statöa da Madonna da Miserigordia, presente, tra i âtri, ö re Vittoriö Emanöele segöndö.
11 Mazzö 1405: O arriva anchêu in ta nostra çittae Benedettö XII. L'antipappa ö se fermiâ a Savönn-a pe' diversö tempö.
17 Mazzö 1550: Mêue anchêu Tognö Botta ö cöntadin che ö l'aveiva vistö a Madonna. O l'aveiva 72 anni.
20 Mazzö 1506: Ö mêue anchêu, cön a vixion de cadenn-e quae premmio de-a seu grande e immörtale desgoverta, l’ammiraglio ligûre Cristoforo Colombo. Diverse çittae ligguri, tra-e quae Sann-a, se contendan ancön ancheu i natâli, che vegnan attribuì a Zena
26 Mazzö 1975: Ö se concludde cön ‘na bomba contra a Fortessa dö Monte Ciuto, fortûnatamente sensa vittime, a serie de attentae a Sann-a che ö l’ha portou a çittae-a in scè a ribalta de a cronaca in te-o periodö da-o Arvì do 1974 a-o Mazzo 1975, dönde i savoneixi han dimostrou a loro unitae con partecipasion solidale e attenta i te-a difesa da propria çittae. Ancön ancheu i savoneixi attendan de conossce a veitaè

Zûgnö

3 Zûgnö 1944: Sann-a a l'è söttö a-e bömbe di liberatöi, i bömbardamenti aerei provöcan quattrö morti.
7 Zûgnö 1944: Anchêu âtri dözze morti a Sann-a prövochae dai bömbardamenti aerei anglöamerichen.
8 Zûgnö 1838: Nasce anchêu a Sann-a ö statista e ommö de cöltûa de cose patrie Paolo Boselli.
12 Zûgnö 1890: Davanti a-ö nötaiö Berlinge se cöstitöisce a cooperativa di stivatöi e scarigatöi dö portö de Sann-a, vegnindo coscì ad avei persönalitae giöridica.
18 Zûgnö 1552: Ö nasce anchêu, da famiggia oriönda de Acqui, ö mascimö pöeta de Sann-a Gabriellö Chiabrera
23 Zûgnö 1640: Ö mêue anchêu Filiberto Pavese guerrierö illûstre de Sann-a
24 Zûgnö 1859: In te-a glöriösa vittoia de S. Martin ö mêue ö cölönellösavöneise Davide Caminati, magnificöu eroe dö risorgimentö
26 Zûgnö 1805: Ö nasce anchêu a Zena Giöxeppe Mazzini

Lûggiö

2 Lûggiö 1585: Carlo Emanuele I e scignöa sön in vixita sölenne a-a çittae de Sann-a. A riçeive i aögosti prinçipi Savoia gh'è ö sömmö vate çittadin Gabriello Ciabrea.
2 Lûggiö 1886: Mêue a Zena l’illûstre pittö savoneise Giöxeppe Fraschieri. Ö l’è aötore de pregevöli opere in Italia, Inghiltaera, Stâti Unitti. Ö l’aveiva 78 anni
3 Lûggiö 1944: Cöntinöan i bömbardamenti aerei anglöamerichen. Vegnan cölpie e zone de cörsö Ricci, via Torin, via Crispi, via Repussen. Oltre a-i nömerösiscimi ferii, se cöntan ben 47 morti
7 Lûggiö 1648: Ö scc-ioppö da pölveriera de-a förtessa ö distruzze ûn tersö da çittae de Sann-a
9 Lûggiö 1978: Eleziön de Sandro Pertini, natiö de Steia S. Giövanni, medaggia d’ou a-ö valor militare ä Prescidenza de-a Repûbblica
13 Lûggiö 1865: A-a föxe, a çinque öe in pöntö ö vegne impiccou pe-a cöndanna de öxoricidio Giovan Battista Cerro da Lavagnêua, da tûtti dito o Giabbe
14 Lûggiö 1319: Sann-a a diventa sede uffiziale de l'antigövernö ghibellin pe' tûtta a Ligûria.
17 Lûggiö 1923: Ö Vöae battendo l’Udineise con ûn gol de Levratto a-ö 127° menûtö a vinse a cöppa Italia de calcio
18 lûggiö 1516: Ö mêue ö savöneise Marco Vegerio, cardinâle, filosöfö e scrittö illûstre
27 Lûggiö 2006: A Sann-a, in ta sêu cà de Corso Italia, o mêue anchêu ö pöeta dialettale e appasciönou de cose de Sann-a Mario Scaglia, o Claödin Dö Giabbe

Agöstö

7 Agöstö 1250: Vegne stipölâ a paxe ta i prinçipi e i cömûni do Piemönte pe' assegûase liberi traffeghi cö-ö cömûne de Sann-a
10 agöstö 1888: Mêue ö mûxicista cömpözitö Antonio Forzano. O l’ha lascioa paegie cömpösisciöin sacre, ballabili, piacevöli operette e ‘na scinfönia öriginâle. A lè l’è dedicâ a Banda Cittadinn-a de Sann-a
10 Agöstö 1944: Cöntinöan i bömbardamenti aerei anglöamerichen. Anchêu vegnan cölpii i ingressi de ûn rifûggiö antiaereö in via alla Stra. Se cöntan trentadöi morti
12 Agöstö 1484: Ö mêue ö savöneise Françesco Della Rovere, a-o secölö Pappa Scisto IV, grande restaöratö de Arti e dö Statö Pöntificciö
14 Agöstö 1944: Ûn spessön incendiaiö ö distrûzze a cascia de l'ecce homo che a se trövâva in ta gexa de S. Bernardö in Valle.
27 Agöstö 1631: Anchêu ö comenza ö famösö pröcessö a-e basöe a Cairo.

Settembre

1 Settembre 1922: Nasce a Zena Vittorio Gassman, indimenticou interprete de film quae “I soliti ignoti”, “La grande guerra”, “Il mattatore” o “L’armata brancaleone”
5 settembre 1827: Ö nasce a Zena Goffredo Mameli, patriotta e pöeta, aötöre de parolle de l’innö Nazionale, dedicou a-o sêu nömme
6 Settembre 1552: Ö pilota de Sann-a Leön Pancâdo e i pochi sûperstiti rientran da-a memöranda spediziön de Magellan
13 Settembre 1944: Vegne fûxilou a Cairö da-e brigate neigre Renato Boragine medaggia d'ou a-ö valör militare
14 Settembre 1638: Mêue anchêu a 86 anni d'etae Gabriello Ciabrea, saiâ tömölou in ta gexa de San Giacömö di padri zöccölanti riförmae de Sann-a.
18 Settembre 1510: Anchêu tra i pellegrin a-ö Santöaiö da Madonna da Misericordia vegnan ospitae Emmanuele Filibertö e scignöa.
19 Settembre 1974: A çittae de Sann-a a vegne inscignia de-a medaggia d’ou pe’ a rescistenza
20 Settembre 1965: Mêue Andrea Aglietto, antifascista, persegöitou, partigian, primmö scindacö de Sann-a doppö a liberaziön, l’è staetö in carega da-ö 1945 a-ö 1953

Ottöbre

7 Ottöbre 1803: Ö cömûne de Sann-a ö inizia a numeraziön civica de câ da çittae.
11 Ottöbre 1931: A vegne benedia a nêuva campann-a che a vegnâ issâ in sce-a töre dö Brandâ, a Campanassa.
14 Ottöbre 1857: Ö vegne inaögörou a Sann-a l'ospeâ San Paölö.
16 Ottöbre 1928: Ö nasce a Sann-a l’attô Nando Gazzolo. Ö saiâ ûn de-i protagonisti de-i çelebri sceneggiae de-a neonata television italiann-a, tra i quae: L’Avaro, Capitan Fracassa, Il Mulino del po e La Cittadella
17 Ottöbre 1944: Ö patriotta Libero Briganti ö vegne fûxilou dai nazifascisti. Ö ghe vegnâ cönferia a medaggia d'argentö.
23 ottöbre 1943: Ö sciorte ö primmo nûmerö de-ö bisettimanâle de-o restaurou regimme de-a repubblica sociale italiann-a “La gazzetta di Savona” organo de-a federascion prövinçiale de-i fasci republichen
29 Ottöbre 1528: Sann-a a perde definitivamente a sêu libertae e a sêu indipendensa doppo secolari lotte con Zena. A saiâ ridotta in miesia öltre che distrûtta in te sêu difeize e in tö sêu portö.
31 Ottöbre 1967: Ö mêue a Sann-a a l’ospeâ San Paolo o poeta de fama möndiale Camillo Sbarbaro. Ö l’ea naeto a S. Margaita Ligûre ö 12 zenâ dö 1888

Növembre

4 Növembre 1563: ö Duca e a Ducghessa de Savoia sön in Lavagnêua ospitae in câ de Benardo Gavotto
6 Növembre 1938: Pappa Pio XI ö eleva a-i önöri di ätae a Suora Maria Giuseppa Rossello.
13 Növembre 1871: A dexe oue e mesa de seia vegnan registrae a Sann-a döe forti scosse de taeremottö, pe' fortûnn-a sölö tanta pöia.
23 Növembre 1795: Aa Löan se cömbatte a primma battaggia fra l’esercito Françeise e quellö Autriacö, vinta da l’esercitö de Napoleön
25 Növembre 1503: Vegne incörönou Pappa ö savöneise Giuliano Della Rovere elettö da-ö cöncilio ö 31 ottöbre do 1503. Piggia ö nömme de Giulio II. Saiâ grande prötettö de lettere e de arti, e sêu cöstante disegnö ö saiâ quellö de mandâ via i stranieri dall'Italia.
25 növembre 1781: A vegne benêita a basilica de San Nicolò a Pietra Ligûre. ben che ancön incompiûa, doppo 41 anni de travaggi. A vegnâ poi completâ sölamente, e törna benêita cent’anni doppo, in tö 1891
25 Növembre 1871: A vegne distrûta a causa de ‘n’incendio prövöcöu da-o scc-iêuppö de ‘na lanterna a petroliö a staziön de Stûrla
26 Növembre 1750: Vegne föndâ a Sann-a l'accademia, tra i sêu illûstri iscritti ghe saja anche ö Giöxeppe Mazzini.

Dexembre

1 Dexembre 1883: Mêue a Römma in estrema miseia l'ommö pöliticö e pölemista savöneixe Pietro Sbarbaro.
6 Dexembre 1915: L’Arçivescö savöneise Alfönsö Maria Mistrangelo ö vegne elevou a Cardinâle
7 Dexembre 1880: Mêue suor Maria Giuseppa Rossello terziaria Francescann-a föndatricce de figgie de N.S. da Misericordia.
8 Dexembre 1897: mêue ö cönçittadin Luigi Corsi, senatö, patriotta, cömbattente e statista
12 Dexembre 1926: Carlo Rosselli, Ferruccio Parri, Filippo Turati e Sandro Pertini salpan da-i pesci vivi a bordo de-o motoscafo “Oriens” a-a volta de-a Corsica dönde gh’ha inizio ö exiliö de Pertini e Turati. Pè tûtti vegnâ çelebrou ö storicö “Processo de Sann-a”, ûrtimö di processi antifascisti çelebrou da magistratûa ordinaîa
14 Dexembre 1840: Ö mêue ö vescö savöneise Agostino De Mari, föndatö da civica bibliöteca e de a Cascia de Risparmiö
20 Dexembre 1833: Nasce a Törin ö savöneise Vittorio Poggi, storicö, letterou, archeolögö e etröscolögö. Patriotta, amigo de Garibaldi, Mameli e Bixio, ö l'ha piggiou parte ai moti dö '59 e a quelli dö '66.
31 Dexembre 1914: Ö mêue anchêu a Sann-a ö Vittoiö Poggi