1978, A cansun da nostra taera
Semmö dö 1978. Comme regalö de Natâle, insemme con ö Pino de L'Angin, ö scrive ö seu primmö libbrö, "A cansun da nostra taera". Ghe tröviei e poesie ciù appressae da-i tanti amixi che ascortavan a trasmissiön, cön tradosiön in italian. A prefaxion dö libbro porta a firma de Giuliano Amande.E-e illostaxioin sön de Benini Gianfranco e Ghilione Giovanni.
1979, Armanaccö de Sann-a
Semmö dö 1979. Ean passae quaexi döi anni da-a primma trasmisiön da "Radio Sann-a Sound 104" quando ö Claodin ö se mise d'acördo con o tipografo de Via Törin pè fà ûn calendaiö. Ö lunaiö ö l'aviae dovûö esse quarcosa che fösse scimile a quelli de 'na votta. Così, con tanta pasiensa e con l'aggiuttö de me cognou, u Ghigi, l'è sciortio questö oggettin molto particölare, faeto completamente a man pè poi esse stampou, quaexi comme ûnn-a litografia. Gh'aemmö coscì ö regordö de-a calligrafia dö Claodin
1982: da-a collaboraxion cön Ivano Nicolini esce l'album "A mae taera... O mae mâ!
Semmö dö 1982. Da quarche meise da "Radio Sann-a Sound 104" trova spazio ûn mûsicista de Sann-a, Ivano Nicolini, che ö cöllabora con Claodin pe' mette in mûsica quarche sêu scritö. It te-ö giö de quarche meise vegne coscì pubblicou in MC ö album "A mae taera... O mae mâ" che cöntiene dexe cansoin con i testi de Mario Scaglia e-e mûsiche de Ivano Nicolini, che ö l'ha anche cantou, seunou e arrangiou i dexe brani.
1987, Armanaccö de ca' nostra
L'Armanaccö de ca' nostra, de ö 1987. Claodin ö rinnêuva a veste de ö vegio armanaccö, che divien 'n'agenda che gh'ha all'internö, öltre che ö calendaiö, anche e poexie ch'aivan partecipou a-a "FESTA DE PRIMMAVEIA" de-o 1986, 'na gara de poexia dialettale naturalmente trasmissa da-i microfoni de radio sann-a sound 104.
1988, Armanaccö de ca' nostra
Seconda edixion de l'Armanaccö de ca' nostra, semmö dö 1988. Anche chi gh'emmo o calendaiö e-e poexie da "FESTA DI PRIMAVERA" de-a gara andaeta in önda da Radio Sann-a Sound in te-ö 1987.
1989, Armanaccö de ca' nostra
Terza, e urtima, edixion de l'Armanaccö de ca' nostra, dö 1989. Anche chi gh'emmo o calendaiö e-e poexie da "FESTA DI PRIMAVERA" cön e poexie andaeta in önda da Radio Sann-a Sound in te-ö 1988. 'Na curiositae: cömme porei vedde in questa verxion o Claodin s'è scördou de mettì l'annö, ma ö l'è poscibile descovrilö pe' mezo de 'na pubbliçitae in föndö a-ö armanacco che a çelebra i 25 anni de 'n negozio de Sann-a, dövertö in tö 1964.
Aödö de bön... profummö de regordi
Questö ö l'è l'unicö libbrö de-ö Claodin interamente scritö cön sêu poexie. L'è un volumme de 56 paggine illustrae da me cögnou, ö Ghigi, e s'intitola "Aödö de bön... ...pröfummö de regordi...". Oua pöei sfêuggiâ e pagine dö libbrö de-a nêuva pubblicaxion in forma de e-book
